“Qarabağ” kifayət qədər oynayır, amma sadəcə kifayət edəcək qədər. Mən “Qarabağ”dan daha güclü oyun gözləyirəm. Qurbanovla danışdım ki, biz gərək hədəfimizi böyük qoyaq. Qurbanov mənə məsləhət bildi ki, yaydakı təlim-məşq toplanışını uzadaq və daha böyük rəqiblərlə oynayaq. Qərara gəldim ki, bu düzgün siyasətdi. Reynaldonun oyunu məni sevindirir. Bu oyunun səviyyəsi yüksək deyil, bunu hamımız görürük. Qarşı tərəfdə cavan oyunçular var əsllində bizdən bərk qaçırlar. Dediyim ki, “Qarabağ” hələ mən istədiyim kimi oynamır”.
Bu sözləri açıqlamasında “Qarabağ”ın prezidenti Tahir Gözəl deyib.
Tahir bəy “Qarabağ”ın avrokuboklarda növbəti tarixi yazmasının vacibliyindən də danışıb:
“Qarabağ” lazımlı qədər oynayır, amma super oynamır. Qarşıdakı rəqibin səviyyəsinə uyğun oynayır. Elə bir fakt var ki, liqada rəqabət düşüb və buna görə də “Qarabağ” mən istədiyim kimi oynamır. Hədəfimiz Avropadı. Azərbaycan xalqı bizdən böyük nəticə gözləyir. Ölkəmizdəki siyasi vəziyyət də bəllidi. Bundan istifadə edib öz gücümüzü göstərməliyik. Bu bizim üçün, ölkə üçün çox stratejidi. Azərbaycanın haqlı tərəfini dünyaya sülh yolu ilə çatdırmaqda kömək etməyə çalışacağıq.
Büdcəmiz stabildi, ancaq qeyri-məhdud deyil. Qurban hoca üçün bizdə yaşıl işıqdı. İstədiyi futbolçu üçün bizə müraciət edə bilər. Arzu edirəm ki, “Qarabağ Çempionlar liqasının qrupuna düşsün. Çünki siyasi vəziyyət də bunu tələb edir.
Ağdam klubunun rəhbəri komandanın Avstriya toplanışı haqda da danışıb:
“Mən yenə istəyirəm ki, həm biz uğur qazanaq, həm də torpaqlar geri qayıtsın.
Bu gün komandamız qarşıdakı rəqibə uyğun oynayır. rəqiblərin layiqli olması üçün yay düşərgəsini uzatmalıyıq ki, Avropaya hazırlaşaq. Məqsəd odu ki, güclü rəqiblərlə oynayaq. Komandanı Qurban seçəcək. Onunla danışacam və mən inanmıram ki, o zəif rəqib seçsin.
Bugünkü gün üçün büdcədə azalma yoxdu, amma artım da ola bilməz. Hazırkı şəraitdə böyük futbolçuların transferi üçün inanmıram gücümüz çatsın. Standart məbləğə uyğun futbolçu alacağıq”.
Tahir bəy dövlətin onlara kömək etmə ehtimalından da söz açıb:
“Düşünmürəm ki, komandaya dövlətdən kömək edilsin. Əgər olsa böyük şərəflə qəbul edərik. Prezident “İnter”lə oyundakı haqsızlığı gördü, bizə köğmək oldu.Biz futbol klubuyuq, sponsorumuz da var. Builki “Qarabağ” keçən ilkindən daha da təcrübəlidi və əsas odur ki, stabildi”. (İdmanxeber.com)
