.jpg)
“Qarabağ”ın vitse-prezidenti Tahir Gözəl “Azərsun Holdinq” şirkətlər qrupunun rəhbər heyətindən Fevzihan Arasla birlikdə yeni mövsüm öncəsi komandanın düşərgəsində olub.
Korner.az-ın klubun saytına istinadən yaydığı xəbərə görə, “Qarabağ”ın baş məşqçisi Qurban Qurbanov yeni transferləri rəhbərliyə təqdim edib. T.Gözəl “Qarabağ`ın ölkənin ən özəl komandası olduğunu vurğulayıb. Sabit heyətlə çıxış edən komandanın artıq hərtəfəli təcrübə qazandığını və komandanın tək hədəfi – çempionluq olduğunu bildirib.
Fevzihan Aras da “Qarabağ”ın istənilən komandanı yenməyə qadir olduğunu, ötən mövsüm bəzən hədsiz motivasiyanın əleyhlərinə işlədiyini vurğulayıb. O da komanda üçün artıq qızıl medalları qazanmağın vədəsinin yetişdiyini bildirib.
Sonda rəhbərlik futbolçulara “İnter”lə bugünkü oyunda uğurlar arzulayıb.
