Aprelin 6-da Bolqarıstanın paytaxtı Sofiyada 21 yaşadək taekvondoçular arasında Avropa çempionatı start götürəcək.
Korner.az-ın məlumatına görə. Taekvondo Federasiyasından verilən məlumata əsasən, 3 gün davam edəcək yarışa Azərbaycan millisi də qatılacaq.
Yığmamızın şərəfini Sofiyada Elnur Amanovun rəhbərliyi altında Fizam Mehtiyev (58 kq), Məmmədalı Quliyev (63 kq), Əliəsgər Əliyev (68 kq), Səid Quliyev (74 kq), Paniz Esmaeilpour (46 kq), Gülhanım Yeşildal (53 kq) və Daria Şkurko (67 kq) qoruyacaq.
Yarışda Elşad Məmmədov isə hakim kimi çıxış edəcək.
Qeyd edək ki, Azərbaycan Taekvondo Federasiyasının vitse-prezidenti Nağı Səfərovun rəhbərliyi ilə sabah səfərə yollanacaq idmançılarımız aprelin 10-da Vətənə dönəcəklər. (apasport.az)
