Təxirə salınmış oyunların keçiriləcəyi vaxt bəlli oldu
23.02.2023 , 13:10
Voleybolçu kişilər arasında Azərbaycan birinciliyində təxirə salınmış iki oyunun keçiriləcəyi gün bəlli olub.
Korner.az xəbər verir ki, bu qarşılaşmalar 25 və 28 fevral tarixlərində baş tutacaq.
Yüksək Liqanın VI turdan təxirə salınmış “Xarıbülbül” – “Murov” qarşılaşması fevralın 25-də keçiriləcək. Oyun saat 15:00-da başlayacaq.
Nəzərdə tutulduğu vaxtda baş tutmayan VII turun “Xarıbülbül” – “MOİK” matçı isə fevralın 28-də isə təşkil olunacaq. Bu görüşün start fiti saat 16:00-da çalınacaq. Hər iki matç Voleybol Mərkəzində keçiriləcək.
Qeyd edək ki, qarşılaşmalar hakimlərin etirazı səbəbindən baş tutmayıb. Belə ki, “Xarıbülbül” klubunun voleybolçusu oyunların birindi hakimlərə qarşı qeyri-etik hərəkətlərə yol vermişdi. Bununla bağlı Hakimlər kollegiyası AVF-nin yarışların keçirilməsi üzrə Nizam-intizam komisiyyasına müraciət etmişdir. Məsələyə baxıldıqdan sonra isə komandanın kapitanı İlqar İmamquliyev müvafiq qaydada cəzalandırılmışdır.
