Topaz Premyer Liqasının III turu çərçivəsində keçirilən “Neftçi” – “Simurq” matçından sonra komandaların baş məşqçiləri belə olub:
Georgi Çixradze, “Simurq” klubunun baş məşqçisi: “Qapımıza qol vurulana qədər komandalar bərabər səviyyəli oyun göstərdi. Qoldan sonra isə futbolçularda, sanki, ruh düşkünlüyü yarandı. Rəqib azlıqda qaldıqdan sonra oyunda dönüş yaratmaq istədik, ikinci hücumçunu oyuna buraxdıq. Təəssüf ki, səhv nəticəsində buraxdığımız qol oyunun taleyini həll etdi”.
Tərlan Əhmədov, “Neftçi” klubunun məşqçisi: “Oyunun ağır keçəcəyini bilirdik. 9 futbolçumuz milli komandaların düşərgəsində idi. Əsas heyətdə müəyyən itkilər var idi. “Simurq” müdafiədə və əks-hücumlarda yaxşı oynayır. Qələbə qazanaraq psixoloji səddi aşdıq. Gələcək oyunlarda da qələbəyə oynayacağıq”.