“Belə uduzmağımıza yol yorğunluğu və müdafiə xəttinin bərbad oyunu səbəb oldu. Ancaq bu futboldur, hələ hər şeyin sonu deyil. Matça və nəticəyə görə azarkeşlərimizdən üzr istəyirəm. Çox pis oynadıq və kobud səhvlərə yol verdik. Bunun da “qarşılığını” buraxdığımız qollarda gördik”.
Korner.az-ın məlumatına görə, bu sözləri “Neftçi”nin məşqçisi Tərlan Əhmədov Çempionlar Liqasının III təsnifat mərhələsinin ilk matçı olan "Hapoel"lə oyundan sonra deyib. O, Kiryat-Şmona təmsilçisinə biabırçı məğlubiyyətdən sonra avqustun 8-də Bakıda keçiriləcək cavab oyununda sonacan mübarizə aparacaqlarını da deyib: “Böyük hesabla uduzmağımıza baxmayaraq, Bakıdakı cavab matçında son saniyəyə qədər “vuruşacağıq”.