"İlk matçda qzandığımız qələbə hər şey demək deyil. Düzdü, növbəti mərhələyə çıxmaq üçün yaxşı şans qazanmışıq. Ancaq bizi qarşıda daha bir oyun gözləyir"".
Korner.az-ın məlumatına görə, bu sözləri "Neftçi" klubunun baş məşqçisi Tərlan Əhmədov deyib. Çempionlar Liqasının ikinci təsnifat mərhələsinin cavab qarşılaşması çərçivəsində "Zestafoni" ilə oyunöncəsi keçirilən mətbuat konfransında T.Əhmədov rəqibi zəif saymadığını bildirib:
"Zestafoni"nin zəif komanda olması haqda ilk dəfə eşidirəm. Ancaq mən bu fikirlə razılaşmıram. Düşünürəm ki, bu gün Qafqazın iki güclü komandası üz-üzə gələcək. İnanıram ki, rəqib futbolçular da doğma meydanda xarakter nümayiş etdirməyə çalışacaqlar".
Qeyd edək ki, "Zestafoni" – "Neftçi" matçı bu axşam Bakı vaxtı ilə saat 22:00-da başlayacaq. Bu komandalar arasında Bakıda baş tutan ilk görüş isə 3:0 hesabı ilə "Neftçi"nin xeyrinə başa çatıb.