Bu gün keçirilən "Xəzər Lənkəran" – AZAL oyunundan sonra Tərlan Əhmədov saytımıza maraqlı açıqlama verib.
Korner.az-ın əməkdaşının Tərlan Əhmədova verdiyi "Neftçi"nin bugünkü vəziyyəti sizə təsir edirmi?" sualına baş məşqçi belə cavab verib:
"Mən xoşbəxtliyimi başqalarının kədəri üzərində qurmuram. Hal-hazırda başqa klubda fəaliyyət göstərdiyimə baxmayaraq, "Neftçi"nin hazırkı vəziyyəti mənə çox təsir edir. Çünki, "Neftçi" mənim həyatımda önəmli yer tutur. "Neftçi"nin kədəri kədərim, sevinci sevincimdi. Mən illərlə bu klubda işləmişəm. "Neftçi"nin bugünkü vəziyyəti Azərbaycan futboluna böyük zərbədir".
