Ölkə futbolu

Tərlan Əhmədov: “Artıq nəsə etmək çətindi”

16.02.2020 , 21:26

Azərbaycan Premyer Liqasının 17-ci turunda “Neftçi” – “Keşlə” matçından qonaq komandanın baş məşqçisi Tərlan Əhmədov keçirilən mətbuat konfransında jurnalistlərin suallarını cavablandırıb.

Korner.az xəbər verir ki, o öncə məğlubiyyəti şərh edib:

İki oyundur ki, məğlub oluruq. Qarşıda hələ 11 turumuz var. Futbolçular əziyyət çəkdilər. Ən böyük günah məndədi. Hələ heç nə itirməmişik.

– “Keşlə” adətən etibarlı müdafiə ilə seçilib. Son iki turda isə əksini görürük…

– Hərdən elə sual olur, özüm də çətinlik çəkirəm cavab verməyə. Boyoviç uzun müddət zədəli oldu. Flores kart limitini doldurmuşdu. Latın amerikalıların təlim-məşq toplanışa gəlməsi bizim üçün problemdi. Bakı ahzırlığında onların heç biri iştirak etməyib. Bu gün də onun acısını yaşayırıq. Mənim məşqçilik karyeramda 5 oyun ardıcıl məğlubiyyət olub. Amma elə də olub ki, ardıcıl 17 oyunda uduzmamışıq. Düşünürəm ki, komanda toparlanacaq.

– Bugünkü matç göstərdi ki, “Keşlə” heyət baxımından mükafatlar uğrunda mübarizə aparan rəqiblərindən geri qalır…

– Artıq nəsə etmək çətindi. Ruslanın nə vaxt qayıdacağını bilmirik. Kamara növbəti matçda iştirak edəcək. Sezar son 3 məşqi buraxmışdı. Frutos da eynilə. Rotasiyalar üçün əlimdə olan futbolçular budu. Səbrsizliklə Ruslanla Kamaranın sıraya dönməsini gözləyirəm. Mən həmişə komanda oyunu quracağımı düşünürdüm. Amma görürəm ki, bir futbolçu böyük əhəmiyyət daşıyır. Ruslanla Kamaranın yoxluğu hiss olunur.

– Enişin səbəbləri nələrdi?

– Bunu açıqlamağın heç bir mənası yoxdu. İnsanın başına belə şeylər gəlir. İllərlə xoşbəxt yaşayan ailədə də hansısa söz-söhbər olur və problemlər yaranır. Çox nüanslar var. İki məğlubiyyət hər şeydən məhrum olmamağımız demək deyil.

– Daboya bu qədər boş ərazi verilməsi nə ilə bağlı idi?

– Əvvəl də qeyd etdim ki, bu gün “Keşlə”də futbol adına heç bir şey yox idi. Mən tələb etdiyim oyunu görmədim. Rəqib gözəl futbol nümayiş etdirdi və qələbəsini qazandı.

Son yazılar

Yuxarı