Topaz Premyer Liqasının XIII turu AZAL üçün uğurlu olmadı.
Korner.az-ın məlumatına görə, “təyyarəçilər” səfərdə “Qarabağ”a 1:2 hesabı ilə məğlub oldu.
Oyunsonrası mətbuat konfransında komandanın baş məşqçisi Tərlan Əhmədov oyunla bağlı fikirlərini açıqlayıb:
“İlk növbədə "Sent-Etyen"lə oyunda "Qarabağ"a uğurlar arzulayıram. “Qarabağ” Avropada yeganə təmsilçimizdir. Ümid edirəm ki, qələbə qazanıb, bizi sevindirərlər. Oyuna gəldikdə, biz 30 dəqiqə futbol gördük. Qırmızı vərəqə bütün planlarımızı pozdu. İstəyirdik hücumları cinahdan quraq. Etiraf edim ki, səhvlərimiz var idi. Qırmızı vərəqə olmasaydı, bəlkə başqa oyun görərdik. Amma yenə futbulçularıma təşəkkür edirəm. Azlıqda qalsaq da, qol vura bildik. "Qarabağ"ı təbrik edirəm”.
