Ölkə futbolu

Tərlan Əhmədov: “13 gün ərzində komanda toparlana bildi”

24.01.2020 , 18:15

“Keşlə”nin baş məşqçisi Tərlan Əhmədov Antalyadakı təlim-məşq toplanışında Slovakiyanın “Zemplin” klubuyla keçirilən yoxlama oyunundan sonra (1:1) fikirlərini bölüşüb.

Korner.az xəbər verir ki, mütəxəssis oyunu belə şərh edib:

“Bu qarşılaşma ilə təlim-məşq toplanışına yekun vurduq. Bu gün əvvəlki iki matçdan fərqli olaraq daha az şans qazanan futbolçuları meydana buraxdım. İlk hissənin əvvəllərində hesabı açsaq da, oyunun sonlarına doğru qol buraxdıq.

“Arsenal”la matçdan sonra futbolçularda yorğunluq hiss olunurdu. Ruslan Qurbanovun zədələnməsi son iki matçda planlarımızı pozdu. Buna baxmayaraq, düşünürəm ki, 13 gün ərzində komanda toparlana bildi.

Bakıya qayıtdıqdan 2 gün sonra “Qəbələ” ilə oyuna hazırlaşacağıq. Qarşıda bizi çətin marafon gözləyir. Mövsümün sonuna qədər maksimum xal toplayıb, çempionatı istədiyimiz pillədə başa vurmaq niyyətindəyik”.

Son yazılar

Yuxarı