Sabah Azərbaycan millisi yeni futbolçuları və yeni baş məşqçisi ilə ilk yoxlama oyununu keçirəcək
Moldova yığması ilə oyundan öncə yığmanın futbolçusu Təmkin Xəlilzadə jurnalistlərin suallarını cavablandırıb:
-Yeni Dönəmə başladıq. Milliylə bağlı təəsüratlarınızı öyrənmək istərdik..
-Hamımız əlimizdən gələn hər şeyi etməyə çalışırıq. Yeni baş məşqçimiz də bizə çox kömək olur. Həm baş məşqçimizə həm də heyətimizə uğurlar arzulayıram.
-Baş məşqçi nələrə fikir verməli olduğunuzu deyir?
-Əvvəla, millinin məsuliyyətini dərk etməyimizi, nizam-intizamlı olmağımızı tələb edir. Əsas məqsəd milləti sevindirməkdi.
-Prosineçki dövründə də komandada olmusan. Səncə nələr dəyişib?
-Biz hər zaman topla düzgün oynamağa çalışmışıq. Dəyişən elə də böyük bir şey yoxdur.
-Adətən həm müdafiə həm də yarımmüdafiədə çıxış edirsən. Bəs indi necə?
-Müdafiədə oynayacam.
-Səninçün hansı asandı?
-Fərq eləmir. İki mövqe da mənə yad deyil.
-Rəqibi təhlil etmisinizmi?
-Məşqə gəlməmişdən qabaq etmişdik. Çox güclü və dəqiq rəqibdir. Çox kompakt oyunları var. Bizimçün ciddi sınaq olacaq.
-Son oyunda zədə almışdın. İndi zədən necədi?
-Yaxşıdı hər şey. Sadəcə rəhbərlik risk etmədiyi üçün ehtiyata aldı məni.
