70-ci qələbə
"İnter"in baş məşqçisi Kaxaber Sxadadze klub rekorduna imza atıb.
Korner.az-ın məlumatına görə, Topaz Premyer Liqasının XIII turunda "Turan" üzərində qazanılan qələbə bakılıların gürcüstanlı mütəxəssisin rəhbərliyi ilə 70-ci zəfəri kimi tarixə düşüb.
4-cü mövsümdü ki, klubda çalışan Sxadadze üçüm bu qələbə təkcə yubiley xarakterli olmayıb. 70-ci qələbənin qazanılması "İnter"in tarixində ən çox qalibiyyət görən ünvanını gürcüstanlıya qazandırıb.
O, komanda ilə 69 qələbə qazanan ukraynalı Valentin Xodukinin rekordunu yeniləyib. Ukraynalının rəhbərliyi ilə 113 matça çıxan "İnter" 69 qələbə ilə yanaşı 25 heç-heçə edib və 19 dəfə uduzmuşdu. Həmin matçlarda top fərqi 203-75-di.
