"Çox güclü komanda ilə oyunda qələbə qazanıb, vacib üç xal əldə etdik. Mövsümün sonu olmasına baxmayaraq, “Qəbələ” fiziki cəhətdən çox güclü komandadır".
Korner.az-ın məlumatına görə, bu sözləri "İnter" klubunun baş məşqçisi Kaxaber Sxadadze deyib.
Gürcüstanlı mütəxəssis "Qəbələ" ilə oyundan sonra keçirilən mətbuat konfransında qarşıdakı oyunlardan danışıb: "Oyunun əvvəlində yaxşı təsir bağışlamadıq. Ancaq qol vurduqdan sonra komandam tədricən öz oyununu göstərməyə başladı. Bir az da diqqətli olsaydıq, hesabı artıra bilərdik. Çünki rəqib məğlub olanda çox boşluqlar buraxır. Biz çalışacağıq ki, mövsümün sonuna kimi bütün oyunlarda maksimum nəticə göstərək”.
