“Keşlə” baş məşqçi Zaur Svanadze ilə yollarını ayırıb.
Korner.az-ın məlumatına görə, bu barədə klubdan açıqlama verilib.
Açıqlamada deyilir ki, klub rəhbərliyi ilə gürcü mütəxəssis arasında görüş keçirilib və komandanın cari nəticələri müzakirə edilib. Müzakirələrin nəticəsi olaraq Zaur Svanadze və köməkçisi Ramaz Svanadze ilə müaviləyə qarşılıqlı olaraq xitam verilməsi qərara alınıb.
Artıq Svanadzenin xələfinin komandanın əvəzedici heyətinin çalışdırıcısı Ramiz Məmmədov olacağına dair söhbətlər dolaşmaqdadır.
Topaz Premyer Liqasının cari mövsümünün geridə qalan 10 oyunda 8 xal toplamış “Keşlə” turnir cədvəlinin 7-ci pilləsində qərarlaşıb.
