“Şüvəlan” “Sumqayıt”ı məğlub etdi

Yeni mövsümün hazırlıqlarını davam etdirən “Şüvəlan” növbəti yoxlama oyununu keçirib.

Birinci Divizionda mübarizə aparacaq Şüvəlan təmsilçisi, “Sumqayıt”ın əvəzedici heyətini sınağa çəkib.

Aqil Nəbiyevin çalışdırdığı komanda Elmir Namazov və Bəxtiyar Məsiməliyevin vurduğu qollar sayəsində sumqayıtlıları 2:0 hesabıyla məğlub edib.

Qeyd edək ki, “Şüvəlan” daha öncə “Zirə”nin əvəzediciləri ilə qarşılaşmış və 5:0 hesabıyla qalib gəlmişdi.