Superliqada oynayan futbolçu rəsmən “Qəbələ”də

"Qəbələ" 2012-2013 mövsümü öncəsi ilk əcnəbi futbolçu transferini reallaşdırıb. Korner.az-ın məlumatına görə, ötən mövsümü Türkiyə Superliqasında "Samsunspor"un heyətində keçirən sloveniyalı Deyan Kelharla 2 illik müqavilə imzalanıb. Kelhar imzadan öncə İstanbul Acıbadəm xəstəxanasında tibbi müayinədən keçib.

Müdafiəçi mövqeyində çıxış edən Kelhar peşəkar futbolçu karyerasına 2003-cü ildə Sloveniyanın "Kelje" klubunda başlayıb. Daha sonra "Olimpia" (Sloveniya), "Qreuter Fürt" (Almaniya), "Cercle Brugge" (Belçika), "Legia" Varşava (Polşa), "Hapoel" Hayfa (İsrail) klublarında top qovub.

Son mövsümdə "Samsunspor"un şərəfini qoruyan 28 yaşlı müdafiəçi 2 dəfə ölkəsinin yığma komandasının formasını geyinib. Kelhar son dəfə may ayının 26-da Yunanıstana qarşı baş tutan rəsmi yoldaşlıq oyununda Sloveniya millisinin start heyətində yer alıb.

Dosye

Deyan Kelhar
Amplua: Müdafiəçi
Doğulduğu il: 05.04.1984
Doğulduğu yer: Brejiçe, Sloveniya
Boyu: 1,88 m