Premyer Liqanın 2013/14 mövsümünə hazırlaşan “Sumqayıt” məşqlərini davam etdirir.
Korner.az-ın məlumatına görə, Aqil Məmmədovun rəhbərliyi ilə komanda Sumqayıt İdman Mərkəzində ikitərəfli oyun keçirib. Baxışa gələn və müqavilə imzalanmış yeni transferlərin də iştirak etdiyi hazırlıq prosesi 90 dəqiqə davam edib. Bərpa prosesini tamamlayan Vurğun Hüseynov artıq komanda ilə birlikdədi. Yenilərdən Budaq Nəsirov və Anar Nəzirov isə milli komandaların heyətində yer aldığı üçün hazırlığa nisbətən gec qoşulacaq. “Sumqayıt” iyulun 6-da AZAL-la yoxlama oyunu keçirəcək. Qarşılaşma saat 19:00-da Sumqayıt İdman Mərkəzində təşkil olunacaq.