Bu gün Topaz Premyer Liqasının 9-cu turu çərçivəsində keçirilən "Sumqayıt" – "Rəvan" oyununda əsl anşlaq olub desək, yanılmarıq.
Korner.az-ın görüşün protokoluna istinadla verdiyi məlumata görə, qarşılaşmanı 8 min azarkeş izləyib. Bu, Sumqayıtda cari mövsümdə keçirilən 5 oyundan 4-də rast gəlinən ən çox azarkeş sayıdı. Yalnız "Qarabağ"la görüşü elə bu qədər azarkeş izləyib.
"Sumqayıt"ın oyununa bu qədər ganatın gəlməsi, şübhəsiz, sevindiricidi. Ancaq… Məsələ ondadı ki, bugünkü oyunu izləyənlərin böyük əksəriyyəti məktəblilər və müəllimələr olub. Bunu sosial şəbəkələrdə yayılmış video da təsdiqləyir. İddialara görə, müəllimə və şagirdlər stadiona "Sumqayıt"ın sponsoru "AzərKimya"nın bağlı olduğu "SOCAR" tərəfindən zorla gətiriliblər…
