Artıq 2 aydır ki, Sumqayıtın əsas idman arenası – Mehdi Hüseynzadə adına şəhər stadionu əsaslı təmirə başlanılıb. Korner.az-ın məlumatına görə, böyük həcmli yenidənqurma işlərinə 50-dək işçi qüvvəsi cəlb olunub.
Kompleksdə əlavə olaraq daha 3 meydança tikiləcək. Bundan əlavə “Sumqayıt” futbol klubunun akademiyası açılacaq. Mərkəzi arenada tamaşaçı tutumu 15 min nəfərə çatdırılacaq. Perspektivdə ölkəmizin Gürcüstan ilə birgə futbol üzrə Avropa çempionatına ev sahibliyi etmək istəyi reallaşarsa, oturacaqların sayı 30 minə də çatdırıla bilər.
Bu möhtəşəm layihənin 2-3 ilə başa çatdırılacağı, şəhər stadion kompleksinin tam istifadəyə veriləcəyi nəzərdə tutulur.
