“Sumqayıt”ın legioneri milliyə çağırıldı
21.05.2025 , 13:30
“Sumqayıt”ın yarımmüdafiəçisi Ronaldo Vaskez Dominikan Respublikası millisinə dəvət alıb.
Korner.az xəbər verir ki, o, iyun ayında keçiriləcək oyunlarda iştirak etmək üçün yığmaya çağırılıb.
Dominikan Respublikası DÇ-2026-nın seçmə mərhələsi çərçivəsində 7 və 11 iyun tarixlərində müvafiq olaraq Qvatamela və Dominika ilə qarşılaşacaq.
Marselo Nevelefin komandası daha sonra isə Şimali və Mərkəzi Amerika ölkələrinin iştirakı ilə keçirilən “CONCACAF Gold Cup” turnirində iştirak edəcək. “A” qrupunda yer alan Dominikan Respublikası iyunun 15-də Meksika, 19-da Kosta Rika, 23-də isə Surinamla qarşılaşacaq.
