“Belə hava şəraitində oynamaq çox çətin idi. Əzmkarlıq lazım idi. Meydanda əlimizdən gələni etdik, döyüşdük, amma xal qazana bilmədik. Təəssüf edirəm ki, sonadək qapmızı qoruya bilmədik və məğlub olduq”.
Korner.az-ın məlumatına görə, bu sözləri Azərbaycan Premyer Liqasının 18-ci turunda keçirilən “Neftçi” – “Sumqayıt” (1:0) matçından sonra “kimyaçılar”ın kapitanı Vurğun Hüseynov açıqlamasında deyib.
Kapitan qarşıdakı oyunlarda daha yaxşı nəticələr qazanmağa çalışacaqlarını bildirib:
“Növbəti turda doğma meydanda AZAL-la qarşılaşacağıq. Çalışacağıq ki, bu oyundan maksimum xalla dönək. Sadəcə, hər matçda oyunumuz alınmır. Buna baxmayaraq, çalışırıq ki, maksimum gücümüzü ortaya qoyub daha yaxşı nəticələr əldə edək. Komandamız gənc futbolçulardan təşkil olunub. Bu da bizim sürətli oynamağımza gətirib çıxarır. İnanıram ki, belə gənc futbolçularla daha yaxşı nəticələr qazanacağıq”.
