AFFA-nın
İcraiyyə Komitəsinin 2013-cü il dekabrın 18-də keçirilmiş iclasında qəbul
olunmuş müvafiq qərara uyğun olaraq, Topaz Premyer Liqasında çıxış edən bir
neçə klubda artıq uşaq və yeniyetmə futbolu ilə bağlı fəaliyyət göstərmək üçün
AFFA tərəfindən idman direktoru təyin olunub.
Korner.az-ın məlumatına görə, fevralın 1-dən etibarən “Sumqayıt”
Futbol Klubunda idman direktoru kimi işinə başlayan Frank Bernhardt
akademiyanın məşqçi heyəti ilə görüşüb. Görüş daha çox tanışlıq xarakteri
daşıyıb. Tədbir zamanı məşqçilərlə fikir mübadiləsi aparılıb.