“Sumqayıt”ın futbolçusu üçün əlamətdar oyun
15.12.2022 , 18:12
Azərbaycan Premyer Liqasının XVII turunda keçirilən “Sumqayıt” – “Səbail” (2:0) qarşılaşması futbolçu Nihad Əhmədzadə üçün əlamətdar olub.
Korner.az xəbər verir ki, “Sumqayıt” yetirməsi olan yarımmüdafiəçi 16 yaş 144 günlüyündə adıçəkilən matçın 80-ci dəqiqəsində Todor Todoroskinin əvəzinə meydana daxil olmaqla Azərbaycan çempionatlarında debüt edib. Nihad, həmçinin cari mövsümdə Premyer Liqada meydana çıxan ən gənc futbolçu ünvanına sahib çıxıb.
“Sumqayıt”ın tarixində Nihad Əhmədzadədən öncə Səbuhi və Rüfət Abdullazadələr də ən gənc futbolçu ünvanına sahib çıxıblar. Belə ki, baş məşqçi Samir Abasov 2017/2018 mövsümündə “Sumqayıt”ı çalışdırarkən Səbuhi Abdullazadə “kimyaçılar”ın heyətində debüt etməklə Premyer Liqanın tarixinə düşmüşdü. O zaman Səbuhinin 15 yaşı var idi.