Dünən Naxçıvan Olimpiya Kompleksində veteran futbolçulardan ibarət komandaların ölkə birinciliyinə yekun vurulub. Koner.az-ın məlumatına görə, buna qədər Masallı, Oğuz, Qəbələ və Bakıda baş tutan zona yarışlarında uğurlu nəticə qazanan Sumqayıt veteranları həlledici mərhələdə də qalib olub. Əvvəlcə “Qarabağ”ı 7:4 hesabı ilə üstələyən Sumqayıt veteranları həlledici görüşdə “Neftçi”dən üstün olub (5:2). Final görüşündə komandada qolları “Sumqayıt” Futbol Klubunun baş məşqçisi Aqil Məmmədov, Mübariz Orucov, İsmayıl Məmmədov, Kamal Quliyev və Kənan Məmmədov vurub.
3-cü yer uğrunda yarışda isə “Qarabağ” və “Kəpəz” görüşüblər. 3-cü yerə “Qarabağ”ı 5:4 hesabı ilə məğlub edən “Kəpəz” sahib çıxıb.
