“Sumqayıt”dan yeni transfer
18.09.2020 , 15:00
“Sumqayıt” növbəti futbolçunun keçidini reallaşdırıb.
Korner.az klubun saytına istinadən xəbər verir ki, “Keşlə”dən ayrılan Cavid İmamverdiyevlə 1+1 illik müqavilə imzalanıb. 30 yaşlı yarımmüdafiəçi yeni komandasında 22 nömrəli formada çıxış edəcək.
Qeyd edək ki, Cavid İmamverdiyev 2017/18 mövsümündə də “Sumqayıt”da çıxış edib.
Xatırladaq ki, “Sumqayıt” bu yay Tellur Mütəllimov, Elvin Məmmədov, Əli Qurbani, Kərəm Sultanov, Adəm Həmati və Eltun Turabovu da heyətinə cəlb edib.
