“Sumqayıt” “Zirə” ilə oyunun hazırlıqlarına başladı
09.09.2019 , 21:09
“Sumqayıt” Premyer Liqanın 4-cü turunda “Zirə” ilə keçiriləcək oyunun hazırlıqlarına start verib.
Korner.az klub saytına istinadən xəbər verir ki, Ayxan Abbasovun yetirmələri “Kapital Bank Arena”nın ehtiyat meydançasında məşqə çıxıb.
Yüngül zədəsi olan Şəhriyar Əliyev, Murad Xaçayev və U-21 millinin heyətində olan Elvin Cəfərquliyev məşqdə iştirak etməyib. Bundan başqa, əvəzedici heyətin 2 futbolçusu əsas komanda ilə birlikdə çalışıb.
Hazırlıq prosesində əvvəlcə müxtəlif fiziki hərəkətlər və toplu çalışmalar üzərində məşqlər keçirilib. Hazırlığa ikitərəfli oyunla yekun vurulub.
Qeyd edək ki, “Sumqayıt” – “Zirə” qarşılaşması 14 sentyabr, saat 18:00-da “Kapital Bank Arena”da keçiriləcək.
