Hazırlığının ikinci mərhələsini Gürcüstanda davam etdirən “Sumqayıt” klubu qonşu ölkədə növbəti yoxlama görüşünə çıxıb.
Korner.az-ın klubun saytına istinadən yaydığı xəbərə görə, Aqil Məmmədovun rəhbərlik etdiyi komanda Premyer Liqa təmsilçisi “Merani Martvili” ilə üz-üzə gəlib. Görüş təmsilçimizin 2:1 hesablı qələbəsi ilə başa çatıb. “Sumqayıt” FK-nun heyətində Nurlan Novruzovla Vüqar Əsgərov fərqlənib.
Qeyd edək ki, “Sumqayıt” FK bundan öncə birinci liqa təmsilçisi “Mertsxali” ilə qarşılaşmış və 3:0 hesabı ilə qalib gəlmişdi. Komanda Gürcüstandakı 3-cü yoxlama oyununu isə iyulun 22-də “Quriya Lançxuti”yə qarşı keçirəcək.
