“Sumqayıt” klubu 2013/14 mövsümü üçün transfer çalışmalarını davam etdirir.
Korner.az-ın klubun saytına istinadən yaydığı xəbərə görə, komanda Vurğun Hüseynov və Vüqar Əsgərovun ardından milli komandamızın qapıçısı Anar Nəzirovu da heyətinə qatıb. 28 yaşlı qolkiperlə bir illik müqavilə imzalanıb.
Karyerası ərzində “Kəpəz”, “Neftçi”, “Turan” və “Standard”ın şərəfini qorumuş Anar “Qəbələ”nin heyətində Premyer Liqada 20 qarşılaşmada meydana çıxıb. O, həmçinin 2 dəfə Azərbaycanın A millisinin formasını geyinib.
