Azərbaycan Premyer Liqasının 10-cu turu çərçivəsində səfərdə “Kəpəz”lə qarşılaşacaq “Sumqayıt” klubu hazırlığını davam etdirir.
Korner.az-ın klubun rəsmi saytına istinadən verdiyi məlumata görə, Mehdi Hüseynzadə adına Sumqayıt şəhər stadionunda gün ərzində iki dəfə olmaqla məşq edən komandanın heyətində itkilər diqqət çəkir.
Zədəli olan Xəyal Mustafayev və Uğur Pamuk fərdi məşqlərlə kifayətlənir. Orxan Əliyev isə U-19-un heyətində olduğu üçün “Kəpəz”lə görüşdə iştirak edə bilməyəcək. Qapıçı Elçin Sadıqov isə zədəsini sağaldaraq komandaya qoşulub.
Qeyd edək ki, “Kəpəz” – “Sumqayıt” oyunu oktyabrın 26-da, Gəncə şəhər stadionunda baş tutacaq.