“Sumqayıt” – “Fehervar” matçına nə qədər bilet satılıb?
17.07.2024 , 12:25
UEFA Konfrans Liqasının 2-ci təsnifat mərhələsində keçiriləcək “Sumqayıt” – “Fehervar” oyununa bilet satıışı davam edir.
Korner.az xəbər verir ki, artıq matç üçün 2200 bilet satılıb. Bu barədə klubun mətbuat xidməti məlumat yayıb.
Biletləri iTicket.az, 1 saylı Sumqayıt ASAN Xidmət mərkəzi, 20 iyuldan etibarən isə Mehdi Hüseynzadə adına stadionun kassasından əldə etmək mümkündür.
Biletlərin qiyməti sektorlardan asılı olaraq 5, 10 və 25 manatdır.
Qeyd edək ki, iyulun 25-də Mehdi Hüseynzadə adına Sumqayıt şəhər stadionunda keçiriləcək görüş saat 20:00-da başlayacaq.
