Bir müddət əvvəl Ayaz Mehdiyev və Elnur Abdulovla müqavilə imzalayan “Sumqayıt” klubu Azərbaycan millisinin sabiq yarımmüdafiəçisi Amit Quluzadə ilə güclənib.
Korner.az-ın klubun rəsmi saytına istinadən verdiyi məlumata görə, 1992-ci il təvəllüdlü adıçəkilən futbolçu komanda ilə 1 illik müqavilə imzalayıb.
Amit “Sumqayıt”da 24 nömrəli forma altında çıxış edəcək.
Qeyd edək ki, Amit karyerası ərzində “Neftçi”, “Kayseri Erciyesspor”, “Rəvan”, “Qəbələ” və Portuqaliyanın “Atletiko” klublarının şərəfini qoruyub.
