“Sumqayıt” dünəndən etibarən Türkiyənin Antalya şəhərində təlim-məşq toplanışına start verib.
Korner.az-ın məlumatına görə, Samir Abasovun rəhbərlik etdiyi komanda axşam saatlarında qonşu ölkədə ilk məşqinə çıxıb.
Məşqə yüngül qaçışla start verən komanda, hazırlıq zamanı qısa ötürmələrlər və müxtəlif tapşırıqlar üzərində çalışıb. “Sumqayıt” hazırlığı iki tərəfli oyunla yekunlaşdırıb.
Qeyd edək ki, “gənclik şəhəri” təmsilçisi bu gün Antalyada iki məşqə çıxacaq.
