“Sumqayıt” Ağayevin dönüşünə sevindi

Topaz Premyer LiqasınınXXI turunda doğma azarkeşləri qarşısında "Turan"la qarşılaşacaq "Sumqayıt" hazırlığını davam etdirir.

Korner.az-ın məlumatına görə, "Bayıl Arena"da məşqə çıxan komandanın heyətində zədəli futbolçu yer almır.

Zədə səbəbindən "Qarabağ"la qarşılaşmada iştirak etməyən Murad Ağayev də artıq sıraya qayıdıb. Əvəzedici heyətin üzvü Fərid Kərimzadə də hazırda əsas komanda ilə hazırlaşır.

"Sumqayıt" – "Turan" oyunu fevralın 24-də saat 15:00-da Bayıl Arenada keçiriləcək.