Avrokuboklar

“Sübut etməliyik ki, yaxşı komandayıq” – “Olimpiya”nın baş məşqçisi

17.07.2018 , 20:23

“Qarabağ” sabah Çempionlar Liqasının I təsnifat mərhələsinin cavab oyunları çərçivəsində Sloveniyanın “Olimpiya” klubu ilə qarşılaşacaq. Rəqib komandanın baş məşqçisi İliya Stolitsa bu gün keçirilən oyunöncəsi mətbuat konfransında jurnalistlərin suallarını cavablandırdı.

O¸ əvvəlcə matç barədə fikirlərini bildirdi…

– Bu mənim Bakıya ilk gəlişim deyil. Daha əvvəl Serbiyanın U-17 millisi ilə bura gəlmişəm. Bakı gözəl şəhərdi. Yenidən burda olmaqdan çox məmnunam. Burdakı hava şəraiti haqda onu deyə bilərəm ki, heç bir şikayətimiz yoxdu. Baxmayaraq ki, bir qədər rütubət var.

– İlk matç bir qədər cansıxıcı alınmışdı. Yenə həmin oyunu görəcəyik?
– Mövsümün ilk matçı üçün bunu xarakterik saymaq olar. Hər iki komanda taktiki cəhətdən oxşar oynayırdı. Buna görə də bir qədər cansıxıcı görünə bilər. Bu səviyyədə bir səhv hər şeyi dəyişdirə bilər. Məncə, ilk matçda məğlub olmalı deyildik. Hesab oyuna görə olmamışdı.

– İlk oyunda qırmızı vərəqə alan İssa Abassın yoxluğu komandaya necə təsir edəcək? Bir də ilk matçda kapitanınız meydana çıxmamışdı…
– Hər iki futbolçu komanda üçün çox önəmlidi. Ancaq biz 11 futbolçu ilə meydana çıxacağıq. Alternativləri fikirləşməliyik. Kapitanın daha əvvəldən zədəsi var idi. Bizimlə məşq etsə də, meydana çıxıb-çıxmayacağı oyun saatı məlum olacaq.

– İlk matçdan sonra İssa Abbasın qırmızı vərəqə aldığı epizodla bağlı demişdiz ki, orda elə də ciddi qayda pozuntusu yox idi. Epizodun təkrarına yəqin ki, baxmısız. İndi necə düşünürsüz?
– Mənim fikrimlə bir şey dəyişmir. Ona görə bu barədə fikirləşmək istəmirəm. Həmin epizodu unudub, İssahın yoxluğunda yaxşı oynamağa çalışacağıq.

– “Qarabağ”ın hansı oyunlarını izləmisiz və sabahkı matçda rəqibə hansısa sürpriz hazırlamısız?
– Bütün yoldaşlıq oyunlarına baxmışıq. Təbii ki, rəsmi oyunlar fərqlidi. Rəqibə sürpriz hazırlamağı düşünmürəm. Sadəcə öz oyun üslubumuzu qorumağa çalışacağıq. Taktiki planda ən yaxşı formada oynamağa və mümkün olan ən yaxşı şeyi etməyə çalışacağıq.

– Növbəti mərhələ şansları barədə nə deyə bilərsiz?
– Sübut etməliyik ki, yaxşı komandayıq. Çalışacağıq, şansımız son saniyəyə kimi davam etsin.

Son yazılar

Yuxarı