Almaniyanın “Ştuttqart” klubunun baş məşqçisi Armin Veh istefa verib.
Korner.az Qol.az-a istinadın xəbər verir ki, 53 yaşlı mütəxəssis komandasının Bundesliqanın son turunda evdə “Ausburq”a 0:1 hesabı ilə uduzmasından sonra istefa verdiyini açıqlayıb.
Vehin bu istəyi klub rəhbərliyi tərəfindən qəbul olunub. Alman mütəxəssis istefası ilə bağlı bunları bildirib: “Əlbəttə, bu qərarı vermək mənim üçün çətin idi. Ancaq düzgün qərar olduğunu düşünürəm. Komandanın turnir cədvəlindəki vəziyyəti yaxşı deyil. Bunun günahkarı mənəm. Bəli, xal itirdiyimiz bəzi oyunlarda şans bizim tərəfimizdə deyildi. Lakin komanda bundan sonra qollar vuraraq qələbə qazanacaq. Buna əminəm. Prezidentə, rəhbərliyə və azarkeşlərə təşəkkür edirəm”.
Qeyd edək ki, “Ştuttqart” Bundesliqada 12 turdan sonra 9 xalla sonuncu pillədə qərarlaşıb.
