Sabah millimizlə yoldaşlıq görüşü keçirəcək Yaponiya millisinin futbolçusu Sindzi Okazaki matçla bağlı fikirərini səsləndirib. Korner.az-ın məlumatına görə, "Ştutqart"ın formasını geyinən futbolçu qələbənin vacibliyindən danışıb:
“Yığmanın futbolçularının yenidən bir araya gəldiyinə görə şadam. Komandamız dünya çempionatının qarşıdakı seçmə mərhələsinin oyunlarına hazırlaşır. Buna görə də Azərbaycan yığması ilə oyun yerinə düşür. Qalib gəlmək istəyirik, çünki evdə, azarkeşlər arasında qarşı oynamalı olacağıq. Hələ rəqibimiz haqda heç nə deyə bilmərəm. Hər şeyi oyun göstərəcək”.
