Stiven Cerrard “Reyncers”ə qayıda bilər
08.10.2025 , 11:55
“Liverpul”un sabiq kapitanı Stiven Cerrardın yenidən “Reyncers” klubunun baş məşqçisi postuna gətirilməsi gündəmdədir.
Korner.az xarici KİV-ə istinadən xəbər verir ki, Şotlandiya təmsilçisinin rəhbərliyi artıq Cerrardla danışıqlar aparıb və onun cavabını gözləyir.
İngiltərəli mütəxəssis yayda bu klubdan aldığı təklifi geri çevirmişdi, lakin “Reyncers” bu dəfə daha sərfəli şərtlər təklif edib, razılıq alacağına inanır.
Qeyd edək ki, Stiven Cerrard 2018–2021-ci illərdə “Reyncers”ə rəhbərlik edib. Onun son iş yeri isə 2024-cü ilin qışında ayrıldığı “Əl-İttifaq” olub.
