“Spartak” Deyan Stankoviçlə yollarını ayırdı
12.11.2025 , 11:45
Moskva “Spartak”ı baş məşqçi Deyan Stankoviçlə əməkdaşlığa son qoyub.
Korner.az klubun mətbuat xidmətinə istinadən xəbər verir ki, tərəflər qarşılıqlı razılaşma əsasında müqaviləni ləğv ediblər.
Komandaya müvəqqəti olaraq Vadim Romanov rəhbərlik edəcək.
Qeyd edək ki, ötən illərin tanınmış futbolçularından olan serbiyalı mütəxəssis 2024-cü ilin iyulundan “Spartak”a rəhbərlik edirdi. Onun rəhbərliyi altında paytaxt təmsilçisi 64 oyuna çıxıb, 37 qələbə qazanıb, 11 heç-heçə edib və 16 dəfə məğlub olub.
Hazırda “Spartak” Rusiya Premyer Liqasında 15 turdan sonra 25 xalla 6-cı pillədə qərarlaşıb və lider “Krasnodar”dan 18 xal geri qalır.
