Spalletti A Seriyasının çempionu olan ən yaşlı məşqçidir!
05.05.2023 , 10:13
Lusiano Spalletti İtaliya çempionluğunu qazanan ən yaşlı məşqçi kimi adını tarixə yazdırıb.
Korner.az xəbər verir ki, italiyalı mütəxəssis 64 yaş 58 günlüyündə “Napoli”ni qızıl medallara qovuşdurub.
Neapollular ötən gün səfərdə “Udineze” ilə heç-heçə edib (1:1) və mövsümün sonuna 5 tur qalmış vaxtından əvvəl İtaliya çempionu olub.
Bu, Spallettinin karyerasında üçüncü ölkə çempionluğudur. O, ilk iki titulu 2010-2012-ci illərdə Sankt-Peterburqun “Zenit” klubu ilə qazanmışdı.
Dünənki heç-heçə ilə “Napoli” 33 ildən sonra ilk dəfə İtaliya çempionluğunu da qazanmış oldu. Cari mövsümün bitməsinə hələ 5 tur var.
