Son turun oyunlarını nə qədər azarkeş izləyib?
27.05.2024 , 15:45
Azərbaycan Premyer Liqasında 36-cı turun oyunlarını 24300 tamaşaçı izləyib.
Korner.az xəbər verir ki, bu, mövsümün mütləq rekordudur. Bunadək ən yüksək göstərici 32-ci tura təsadüf edib – 13800 izləyici.
Ümumilikdə isə çempionatın 180 matçında 276 min 487 seyrçi olub. Orta hesabla hər oyunu 1536 tamaşaçı izləyib.
32-ci turun “Sumqayıt” – “Qarabağ” və 36-cı turun “Sumqayıt” – “Qəbələ” görüşlərini rekord sayda – 9300 izləyici seyr edib. 21-ci turun “Sumqayıt” – “Neftçi” qarşılaşmasında bu rəqəm 8100-ə bərabər olub.
Ən çox tamaşaçı toplayan üç oyuna “Sumqayıt” ev sahibliyi etsə də, mövsümün ən çox seyrçi toplayan komandası “Turan Tovuz” olub. Bu göstəricidə “Neftçi” üçüncüdür.
