.jpg)
Sabah Çempionlar Liqasının üçüncü təsnifat mərhləsinin cavab qarşılaşması çərçivəsində baş tutacaq "Neftçi" – "Hapoel" matçına ciddi təhlükəsizlik tədbirləri görülür. Bu "Neftçi" deyil İsrail tərəfindən xüsusi təhlükəsizlik tədbirləri görülür.
Korner.az-ın "Dalğa Arena"ya ezam olunmuş müxbirinin verdiyi məlumata görə, həmin xüsusi mühafizə qrupu əvvəlcə jurnalistlərin mətbuat konfransına girmələrinə maneçilik törədiblər. Onlar "Neftçi"nin hər hansı bir rəsmisinin göstəriş verməsindən sonra jurnalistləri içəri buraxacaqlarını bildirib. Məsələdən xəbərdar olan "Neftçi"nin vitse-prezidenti Tahir Süleymanov buna bərk əsəbləşib. T.Süleymanov əsəblərini cilovlaya bilməyərək: "Onlar kimdi ki, bizim jurnalistlərə problem yaradır. İsraildə üstümüzə avtomat çıxardan məhz bunlar idi. Açın qapıları, mətbuat işçiləri zala girsinlər" – deyib.
Hətta maraqlısı ondadır ki, "Rəvan" "Dalğa Arena"da bu gün məşq etməli imiş. Ancaq israilli təhlükəsizlik xidməti əməkdaşları məşqin keçirilməsinə imkan verməyib.
