“Neftçi” klubu “Zirə” ilə Topaz Premyer Liqasının XXVII tur matçında legioner limitini pozub.
Korner.az-ın məlumatına görə, bu, 60-cı dəqiqədə edilən əvəzləmə zamanı baş verib.
60-cı dəqiqədə Ruslan Abışov meydanı tərk edib. Əvəzində onun yerinə fransalı Huqo Barqas meydana daxil olub. Baş məşqçi Elxan Abdullayev səhvini 3 dəqiqə sonra anlayıb. O, çilili İqnasio Herreranı meydandan alaraq, yerinə Cavid İmamverdiyevi buraxıb.
Qaydalara görə, meydanda 6 legioner, 5 yerli oyunçu olmalıdır. İlk əvəzləmə vaxtı isə “Neftçi”dəki legionerlərin sayı 7-yə yüksəlib.
