.jpg)
Julius Vobayın “Neftçi”yə keçidi baş tutmayıb. Korner.az-ın məlumatına görə, Syerra-Leone yığmasının sabiq futbolçusu ölkəmizdə hələlik yalnız yeganə komandası olan “Xəzər Lənkəran”da çıxış edə biləcək.
Belə ki, cənub təmsilçisi cari ilin sonunadək Vobayla müqaviləsi olduğuna görə FİFA-ya rəsmi müraciət etmişdi.
Hər bir xarici vətəndaş olan futbolçunun (bu digər peşə sahələrinə də aiddir) yerli kluba transferi zamanı, öncə həmin əcnəbinin Azərbaycanda yaşamağı və işləməyi üçün icazə kağızı, bir növ viza alır. Məhz elə Vobayın transferində ən böyük əngəl bu icazə kağızında göstərilən qaydada 2 il müddətində “Xəzər Lənkəran”ın formasının geyinməyinin göstərilməsidir.
Lakin “Neftçi” rəsmiləri oyunçu və meneceri ilə əlaqə saxlayıb, futbolçunun transferini tam dəqiq olmadığı halda, bunun media ilə bölüşüblər. Artıq transferlə bağlı ciddi narahatçılığı yaranan paytaxt təmsilçisi Juliusu iştirak ərizəsinə salıb oynatdığı halda, FİFA-dan birbaşa kluba gələ biləcək ağır cəzaları qəbul etmək istəmir.
Vobayın münasibətini öyrənmək cəhdimiz boşa çıxsa da, futbolçuya yaxın mənbədən onu da öyrəndik ki, artıq “Xəzər Lənkəran” nümayəndələri ilə bir neçə dəfə əlaqə qurmağa çalışıb.
Onu “Neftçi”də oyun keçirməyəcəyi halda belə, FİFA qaydalarını pozduğu üçün 2 il futbolçu lisenziyasının ləğvi, 800 min dollar cərimə gözləyə bilər.
Mənbə: caspianultras.com
