Əfsanəvi braziliyalı futbolçu Romario FİFA prezidenti Yozef Blatter və təşkilatın baş katibi Jerom Valkeni sərt tənqid edib.
Korner.az-ın məlumatına görə, onun tənqidi təhqiramiz sözlərlə müşayiət olunub.
Romario bəyan edib ki, Jerom Valke dünya idmanı tarixində ən böyük reketlərdən biridir: “O, FİFA prezidenti Yozef Blatterlə bir yerdə şantajla məşğul olur. Blatterin özünə gəldikdə isə o, oğru, korrupsiyaçı və q..cıq oğludur. Sözlərimə görə üzr istəyirəm, amma hər şeyi öz adı ilə çağırmaq lazımdır. Yadımdadır ki, Valke Braziliyada keçiriləcək dünya çempionatının tarixdə ən pis çempionat olacağını deyirdi. İndi bu adam mənim ölkəmə gəlir, çıxış edir, hamı da ona əl çalır. Jerom Valke iki il əvvəl dünya çempionatına hazırlığı şərh edərkən demişdi ki, Braziliyanın işləməsi üçün onun arxasından təpikləmək lazımdır”.
O zaman Valke sözlərinin portuqal dilinə daha ağır formada tərcümə edildiyini iddia edərək, braziliyalılardan üzr istəmişdi.
