Son vaxtlar adı “Mançester Yunayted”lə hallanan “Qalatasaray”ın futbolçusu Uesli Sneyder haqqında yayılan xəbərlərə münasibət bildirib.
Korner.az-ın məlumatına görə, hollandiyalı yarımmüdafiəçi “Beyaz TV”-yə açıqlamasında məlumatı təkzib edib:
“Transfer təklifi alsam, məndən tez biləcəksiniz. Hazırda ortada bir təklif yoxdur. İnsanlar haqqımda danışmasın deyə transfer dönəminin bitməyini gözləyirəm. “Qalatasaray”da olduğum üçün xoşbəxtəm, ayrılmağa səbəb yoxdur”.
Qeyd edək ki, Sneyder ötən mövsüm qış transfer pəncərəsi dönəmində “İnter”dən “Qalatasaray”a transfer olunmuşdu.
