Slavçev: “Biz robot deyilik”
17.10.2018 , 10:49
“Bu 90 dəqiqənin indiyə qədər olan oyunları silməsinə imkan verməyəcəyik. Başımızı aşağı salmamalıyıq. Komandamız böyük potensiala sahibdir”.
Bu sözləri “Qarabağ”ın futbolçusu Simeon Slavçev Bolqarıstan millisinin heyətində UEFA Millətlər Liqasının C liqasının 4-cü turunda səfərdə Norveçə 0-1 hesabı ilə uduzduqları oyundan sonra deyib. 25 yaşlı futbolçu toparlanacaqlarını bildirib: “Biz robot deyilik. Amma bir komanda şəklində yumruğumuzu vuracağıq. Toparlanacağıq”.
Qeyd edək ki, Bolqarıstan və Norveç milliləri 9 xalla qrupda 1-2-ci yerləri bölüşürlər.
