Neymarın meneceri olan Vaqner Riberio Braziliya millisinin hazırki çalışdırıcısı Luis Felipe Skolari haqda sərt ifadələr işlədib.
Korner.az-ın məlumatına görə, Skolarinin uğursuzluqlarından bir siyahı tərtib edən Vaqner bu maddələrə diqqət yetirdikdə Braziliyanın Almaniyaya biabırçı məğlubiyyətinin heç də təəcüblü olmadığını bildirib.
Braziliya ev sahibliyi etdiyi mundialın yarımfinalında Almaniya millisinə 1-7 hesabı ilə uduzaraq çempionata tarixi məğlubiyyətlə "əlvida" deyib.
Dünya mətbuatında matçın əks-sədası davam edərkən, Braziliyanın gənc futbolçusu Neymarın meneceri Vaqner Riberionun verdiyi son açıqlamada komandanın baş məşqçisi Skolari haqda sərt ifadələr işlədib.
"Braziliya milli komandasında baş məqşçi olmağın 6 şərti" başlığı altında Skolarinin uğursuzluqlarına diqqət çəkən Ribeiro bu maddələri göz önünə gətirib:
1. Portuqaliya millisinin baş məşqçisi olub heçnə əldə edə bilməmək
2. "Çelsi"yə getdikdən qısa bir müddət sonra klubdan qovulmaq
3. Özbəkistan millisində baş məşqçi kimi çalışmaq
4. Braziliyaya qayıtmaq və başına keçdiyi "Palmeiras"ın aşağı liqaya düşməsinə səbəb olmaq
5. Aşağı liqaya düşən komandanı Liqanın bitməsinə 56 gün qalmış tərk etmək
6. Qürurlu, yaşlı və axmaq olmaq…
Neymarın meneceri bu maddələrlə birlikdə Almaniya qarşısındakı böyükhesablı məğlubiyyətin heç də təəcüblü olmadığını bildirmək üçün böyük əks-səda yaradıb.