“Skenderbeu”un ötən gecə “Neftçi” ilə oyununa baxmamışam. Ancaq nəticədən məlumatlıyam. Bilirəm ki, albanlar qələbə topunu əlavə vaxtda vurub”.
Korner.az-ın məlumatına görə, bu sözləri Qazaxıstanın “Şaxtyor” klubunun baş məşqçisi Viktor Kumıkov deyib.
Qitənin nüfuzlu klub turnirində Belarus BATE-sini məğlub edərək, növbəti mərhələyə çıxan komanda Albaniyada “Skenderbeu” ilə “Neftçi” arasında cavab oyununun nəticəsini gözləyirdi.
“Bunu tapa bilməzsən. Əgər oyunlarının hesablarını müqayisə etsək, onlar eyni səviyyəli 2 bərabər komandadır. Əgər Albaniya klubu keçibsə, deməli, diqqətimizi bu rəqibə yönəldəcəyik. Biz bu komanda ilə təlim-məşq toplanışlarında oynamışıq. Çox texnikalı komandadır. Fərqləndirici məqam odur ki, albaniyalılar idman baxımdan çox qəzəblidir. Növbəti rəqibimizin oyunlarının videoyazısını əldə edib, hazırlaşacaq, onları öyrənəcəyik”.
