Şirokov Azərbaycan millisini ələ saldı: “Onlara yazığım gəlir”

"Azərbaycanla oyunda boyu böyük üstünlüyə sahib idik və sonda layiqli qələbə qazandıq".

Korner.az-ın məlumatına görə, bu sözləri Rusiya yığmasının futbolçusu Roman Şirokov millimizlə oyundan sonra jurnalistlərin suallarını cavablandırarkən deyib.

Oyunda vurulan yeganə qolun müəllifi millimizə "ilişib":
"Azərbaycanın ilk 5 dəqiqədəki künc zərbələri təsadüfdən başqa bir şey deyildi. Bundan sonra rəqib heç əks-hücum belə edə bilmədi, İqor Akinfeyevi narahat etməyə cəhd belə etmədilər. Əgər dediklərinə görə, bu onların ən yaxşı oyunudursa, Azərbaycanlı futbolçulara yazığım gəlir.